صحيفة عشق البلد-عزيزتي حواء… بقلم سوهندا عبدالوهاب

مشاهدة
أخر تحديث : الإثنين 19 محرم 1439 - 8:49 صباحًا
صحيفة عشق البلد-عزيزتي حواء…  بقلم سوهندا عبدالوهاب

عزيزتي حواء…

بقلم سوهندا عبدالوهاب

هل تعلمين
أن ادم يصفنا ب
الغيورات الحسودات المابنتحمل نجاحات بعضنا وبنتكلف الخوه والمحبه والرفقه والصحبه والسبب إنتي لأنه كل مايجيب ليك سيرة بت تقعدي تردحي ليه للصباح وتجيبي ليه الفيها والمافيها??
وتقولي فيها مالم يقله مالك في الخمر?
وتطلعيها اي كلام ? بسبب غيرتك وعشان تمرقيها من نفسه .. تطلعيها افشل مخلوق وهو لو كسرتي رقبتك كش مابتكلم ليك في راجل وبعد داك بترسخي ليه قناعة إنو نحن البنات مستحيل نتقبل نجاح بعض..!

غيري بس ماعلي حساب اخواتك وماتقللي من شأنهن..
تؤلمني النظره والقناعه الرسخت في عقل ادم
ومحاولته لتثبيتها كقاعدة ومبدأ

بدوري ..جاهده ومجاهده لإستبدال كل الأفكار السالبة بأفكار إيجابية …

أحب اقول ليكم حاجه نحن ماكدا والله وحب الخير لبعضنا موجوووود في قلوبنا
وماتفرضو علينا افكاركم دي
..
عزيزتي حواء..
جربي ولو لمره واحده إنك تسندي واحده من اخواتك وح تحسي بطعم نجاحها كأنه نجاح ليك..

عن نفسي افند هذا المعتقد الخاطيء وانفيه تمامآ تمامآ
وعلي إستعداد تام للمساندة والوقوف بجانب (كل) حواء طمووووحة
بكل ما عندي…

مايستفاد من المنشور ..
ماف نجاح زول بخصم من نجاحك ايآكانت إمكانياته
وماعون النجاح وااااسع يسع الجميع ..

نقطه فكر جديد.
(سننجح مادمنا نحب بعضنا)
صباح المحبة للجميع

رابط مختصر

اتـرك تـعـلـيـق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

ان كل ما يندرج ضمن تعليقات القرّاء لا يعبّر بأي شكل من الأشكال عن آراء اسرة صحيفة عشق البلد الالكترونية وهي تلزم بمضمونها كاتبها حصرياً.