حصرى صحيفة عشق البلد@حاوته هويدا الماحى :صلاح دوشكا يفجر الدانات لصحيفة عشق البلد من مقر اقامته فى ايندهوفن بهولندا :الهلال يمضى نحو الهاويه وسنعيده سيرته الاولى.. انا الهلال ادافع لى شنو و المريخ فريق عادى جدا

مشاهدة
أخر تحديث : الإثنين 9 شوال 1438 - 6:16 مساءً
حصرى صحيفة عشق البلد@حاوته هويدا الماحى :صلاح دوشكا يفجر الدانات لصحيفة عشق البلد من مقر اقامته فى ايندهوفن بهولندا :الهلال يمضى نحو الهاويه وسنعيده سيرته الاولى.. انا الهلال ادافع لى شنو و المريخ فريق عادى جدا

حصرى صحيفة عشق البلد

صلاح دوشكا يفجر الدانات لصحيفة

عشق البلد  من مقر اقامته فى

ايندهوفن بهولندا 

الهلال يمضى نحو الهاويه

وسنعيده سيرته الاولى

انا الهلال ادافع لى شنو و المريخ فريق عادى جدا

– اوقفوا تسجيل المحترفين بالفيديو

 ديل كلهم حراميه دى بلطجه واهدار لى

ثروات الهلال العظيم 

-بشه افضل لاعب

 

 و اصبروا على تيتيه

حاورته –  هــويــدا الـمـاحـى

ربما تحتوي الصورة على: ‏شخص واحد‏

عبر اتصال هاتفى اتانى

صوته مزمجرا دوشكا الذى

طالت السنوات منذ اخر

لقاء جمعنى به فى منزل

الهلالى الاصيل (ادم )

 بامبده فى دعوة  افطار

رمضانى  للهلال وكان

دوشكا قد اعد العده

للهجرة خارج البلاد وقتها

وقد اجريت معه وعدد من

اللاعبين والاداريين

مقابلات صحفيه ..

بذات قوة انطلاقاته

وطلعاته فى الملعب انفجر

وين الهلال ؟

دا ما الهلال ؟

ورونا الحاصل شنو ؟

الناس دى ما عارفه الهلال

فريق عظيم ؟

معقوله الهلال قبل

عشرات السنين افضل

من هلال اليوم ؟

لم احاول بدورى تهدأت

ثائرته لانى بصراحه احتاج

الى من يواسينى

ويعزينى 

وانتوا يا هويدا الماحى ربنا

بسألكم عن الهلال كيف

هان عليكم  ولزمتوا

الصمت والهلال بضيع

قدام عيونكم  للاسف

بقيتوا جبناء 

Η هنا وجب التصدى  لانه

بقى لى فى العزيزه

وداس على الجرح وكان

لازم اصد الهجمه وتم

صدها ببراعه 

احسد عليها ياربى ما

بكون فى سمسار

محترفين شاف مهاراتى

الدفاعيه !!؟

استهدى بالله يا دوشكا انا

فى اخر الدنيا ولا املك

سوى يراعى ولم اكف

عن الجهر بالراى 

خلينا فيك انت سنين

ودنين يادوب عاودك

الحنين وبقيت من

ال

متابعين للحبيب الهلال ؟

ربما تحتوي الصورة على: ‏‏شخص واحد‏، و‏‏يبتسم‏، و‏‏‏وقوف‏ و‏نشاطات في أماكن مفتوحة‏‏‏‏‏

ربما تحتوي الصورة على: ‏‏شخص واحد‏، و‏‏يبتسم‏، و‏‏‏وقوف‏ و‏نشاطات في أماكن مفتوحة‏‏‏‏‏

Р انا متابع الهلال

وكل ما انزل السودان

بكون فى النادى وبمضى

معظم اوقاتى مع اهلى

اهل الهلال لكن فى

السنوات الاخيره كانت

ظروف العمل والاسره

ضاغطه وانتى عارفه

ضغوط الغربه الواحد ما

كان قادر يشيل نفسه

والاولاد فى مرحله

محتاجين كل ثانيه من

زمنك واتفرغت لى ولدى

الكبير لانه مبدع فى مجال

كرة القدم وكان لازم

ادعمه واصقل موهبته

واشرف عليهو بى نفسى

وفى القريب العاجل

سيكون له شأن مع

الصغار  فى الملاعب

الاوربيه باذن الله 

 Η شكلك بعد الاطمئنان

على موهبة ولدك اتفرغت

للهجوم علينا  ماذا جنينا

يا دوشكا ؟

Ð يا هويدا الماحى وكمان

بتسألينى ماذا جنيتوا ..!!

قولى ماذا ابقيتوا من

الهلال ؟

Η تااانى يا دوشكا (ضربوا

يا حكم ) ..يا اخوى انا زى

زيك .. انت تابعت الهلال

فى الفتره الاخيره من

متين بالتحديد ؟

Ð مع انطلاقة البطوله

الافريقيه  اشتريت الجهاز

عشان اشاهد مباريات

الهلال ومرضت والله

العظيم مرضت وندمت 

 دا ما الهلال دا شبح

هزيل والهلال عظيم وكبير

والحاصل كارثه عواقبها

وخيمه

Η سميتها كارثه اين 

يكمن الداء يا كابتن ؟

Ð    مكامن الداء لا تحصى

ولا تعد عشوائية فى 

التسجيلات رئيس النادى

يعتمد على ترشيحات

السماسره والاقلام

المأجوره والارزقيه والمصيبه اى لاعب يحرز

هدف فى شباك القمه

يقوموا بى تسجيله 

اصحابوا الوجعه ابتعدوا

عن الهلال ولاذوا بالصمت 

Η خلينا نكون منطقيين

انت استمعت لى

المجموعه المناوئه

للمجلس عليك الاستماع

الى انصار المجلس حتما

لهم دفوعاتهم ؟

Ð انصار المجلس تعاملت

مع البعض منهم ولهم

سوابق تؤكد صحة ما

سمعته اليوم من الجميع 

Η  ماهذا يا هذا كيف تكون

بعيد وانهالت عليك

المعلومات اليوم وفى

ذات الوقت ليك معرفه

وتجارب سابقه مع انصار

المجلس ” بنغالى ”

دا يا دوشكا  ؟

Ð انا ما غايب عن المشهد

تماما احكى ليكى موقف

حصل معاى لانى عارفك

حواراتك استخباراتيه ما

بتفوتى حاجه يا بت

الماحى .. سبق وان

تواصلت مع الصحفى فلان

واللاعب السابق الذى

لعب الى جوارى فى

صفوف الهلال وعمل فى

دائرة الكره والاجهزة الفنيه

بنادى الهلال مرات عديده 

الاتنين ديل قدمت ليهم

لاعب على طبق من ذهب

للهلال صغير السن ومبدع

وتدرب فى مدارس اوربيه

لكرة القدم لكى ان

تتصورى انهم ساوموا

مساومة السماسرة دون

الاهتمام بمصلحة الهلال

ولما ما لقوا مكاسب ماليه

طفشوا اللاعب من الهلال

وكانت صدمتى عظيمه 

Η لماذا ثارت ثائرتك

اليوم ؟

Рلانه اليوم الاثنين يوم

اجازتى الاسبوعيه الوحيد

..اقسم بالله العظيم لم

اتذوق طعم الزاد منذ

الصباح الباكر من هول ما

سمعت كلها اتصلات مع

اهل  الهلال وللاسف

مرارتى اتفقعت كل من

هاتفه من قدامى اللاعبين

والاعلاميين والاداريين

زادنى هما ووجعا على

الهلال بسمع فى قصص

عجيبه وحاجات تشيب

الراس

Η الكاردينال يعمل شنو

يتقطع مثلا ؟

Ð على  الكاردينال  ان

يعى انه اهم حاجه مراعاة

الجمهور الكادح يجب ان

نضعه نصب اعيننا الواحد

بطلع من البيت واولاده

نايمين ويرجع يلقاهم

نايمين دا كله عشان يتابع

تمارين ومباريات الهلال

الجمهور بحرق دمه

واعصابه وبقتطع من قوته

وقوت اولاده عشان الهلال

..انا متأكد الكاردينال  ما

عارف حاجه عن مجاهدات

عشاق الهلال من اهلنا

البسطاء وتضحياتهم والا

ما كان اتبع السماسره

الجوهرة من غير فريق ما

ليها اى قيمه فرح الاهله

بى  ابداعات “تيمها “

وكورة القدم فيها النصر

والهزيمه الكاردينال

 لو عايز الهلال عليه

الاستعانه باهل الخبره

والتخصص  والراى

والمشوره وعليه ان يبعد

اسباب الفشل من

العاملين حوله واقالتهم

اول قرار فى الطريق

الصحيح نحو مصالحة

الجماهير ..عليه الاستعانه

بالاقوياء للعمل معه فى

مجلس الادارة 

Η هل شطب تيتيه قرار

صائب فى نظرك ؟

Ð تيتيه يجب الا يشطب

لاعب ممتاز يحتاج الى

مدرب يستطيع تفجير

ابداعاته

Η ماذا عن اقالة الكوكى ؟

Ð يبدو لى  الكوكى ما

ليهو علاقه بالتسجيلات

واى مدرب ما اختار اللعيبه

ما ح ينجح لو الكوكى

سجل نحمله المسؤليه

كامله

Η ” غمة”  الجمعه ماذا

عنها فنيا ؟

Ð فعلا  لم تكن قمه بل

كانت غمه اصابتنى

بالحيره اذا كان

  الهلال لم يدافع امام

التونسى لماذا دافع امام

المريخ انا الهلال ادافع لى

شنو المريخ فريق عادى

جدا لكن غلبونا بالحماس

والغيره بالمستوى الحالى

السودانى افضل من

المحترف

Η بعيدا عن المجاملات من

هو افضل لاعب فى

الهلال ؟

Ð افضل لاعب فى الهلال

بشه انا لا اجامل و

اصبروا على  تيتيه .. ولن

تندموا ..

مكسيم حارس عظيم ..

يجب تنظيم الفريق وادوا

للناس الفى الكنبه فرصه

والمحترفين الفى الهلال

كلهم ما افضل من

المحليين اطلاقا ..الكباتن

يجب التجديد لهم واى

لاعب سودانى اولى من

المحترفين ديل 

Η هجمه اخيره يجب

تمريرها يا دوشكا

 

Ð الهلال يمضى نحو

الهاويه يجب ان ننظف

الهلال والكوره غالب

ومغلوب لكن وين هيبة

الهلال وين اعلام الهلال

الواعى اعلام الهلال فى

الماضى كان اضافه

حقيقيه اقلام محترمه

وفاهمه كوره وحادبه على

مصلحة الهلال هبوا

لنجدته الهلال

يحتاج ابناءه ولن يهدأ لنا

بال حتى نعيده سيرته

الاولى 

وسكنت الكوره الشباك 

ربما تحتوي الصورة على: ‏‏شخص واحد‏، و‏‏‏وقوف‏ و‏طفل‏‏‏‏ربما تحتوي الصورة على: ‏‏شخص واحد‏، و‏‏‏وقوف‏ و‏طفل‏‏‏‏

ربما تحتوي الصورة على: ‏‏‏4‏ أشخاص‏، و‏‏أحذية‏‏‏

ربما تحتوي الصورة على: ‏‏‏4‏ أشخاص‏، و‏‏أحذية‏‏‏

ربما تحتوي الصورة على: ‏‏‏12‏ شخصًا‏، و‏‏أشخاص يبتسمون‏، و‏‏‏‏أشخاص يقفون‏، و‏عشب‏‏ و‏نشاطات في أماكن مفتوحة‏‏‏‏‏ربما تحتوي الصورة على: ‏‏‏12‏ شخصًا‏، و‏‏أشخاص يبتسمون‏، و‏‏‏‏أشخاص يقفون‏، و‏عشب‏‏ و‏نشاطات في أماكن مفتوحة‏‏‏‏‏

ربما تحتوي الصورة على: ‏‏‏2‏ شخصان‏، و‏‏أشخاص يبتسمون‏، و‏‏نشاطات في أماكن مفتوحة‏‏‏‏ربما تحتوي الصورة على: ‏‏‏2‏ شخصان‏، و‏‏أشخاص يبتسمون‏، و‏‏نشاطات في أماكن مفتوحة‏‏‏‏

رابط مختصر

اتـرك تـعـلـيـق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

ان كل ما يندرج ضمن تعليقات القرّاء لا يعبّر بأي شكل من الأشكال عن آراء اسرة صحيفة عشق البلد الالكترونية وهي تلزم بمضمونها كاتبها حصرياً.